اسأل وهتلاقى الاجابة بإذن الله

السلام عليكم

في هذة الصفحة اسأل عن اى حاجة انت تجهلها عن القطارات والسكة الحديد وهتلاقى اجابة سريعه ان شاء الله.
فى انتظار اسألتكم واستفساراتكم

حسن افندى

عايز أعرف إيميل حضرتك على الياهوو وازاى يكون فى تواصل أكتر من مجرد الكتابه عن طريق أرقام التليفون أو مكان للتقابل ومناقشة الأفكار...شكرا

?????? ?????
Ryad Hassan
?????? ??????? ????
??? ?? ??? ?? ???????
??? ?????? ????
??????? ????????
?/0111593505 alaoap_77@yahoo.com
????? ?????? ?? ???? ???? ??????? ???????? ???? ????
??????? ?? ?????? ?????? ?? ??????? ?? ??? ??? ????? ????? ??? ???
?? ????? ??? ??????
???? ??? ????
???? ?? ????

??? ?????

كل سنه وانت طيب اخي حسن

حبيت اسئل اذا عندك معلومات عن حوادث القطارات بالسعودية او اي موقع ممكن يفيد في ذلك
كما اتمنى اذا تكرمت بتزويدي بدراسات تتعلق بحوادث القطارات

مع خالص شكري وتقديري

ابراهيم علي

السلام عليكم

اهلا بيك اخونا ابراهيم وشرفت المنتدى.

ودا رابط لملف ووارد فيه الدراسة التى تريد ما عليك الا ان تضعه فى محرك البحث فسيظهر لك رسالة الحفظ

demo.batelco.jo/cdd/uploads/train_danger.doc

وشكرا على المرور والمشاركة

السلام عليكم ورحمة الله وبركاته
أهلا بك فى المنتدى يا أخ إبراهيم ........وكل سنة وانت طيب .........ممكن اللى يفيدك الأستاذ شريف ياسين وهو عضو فى هذا المنتدى وفى جروب egypt rail ways على الفيس بوك.
والسلام عليكم ورحمة الله وبركاته.

استاذ حسن يشرفنى التواجد والتواصل معكم فى منتداكم الرائع

واحب اعرف اكتر عن طبيعة عمل جهاز A T C فى جرارت القطارات

ولكم جزيل الشكر لسعة صدركم

السلام عليكم و رحمة الله و بركاته
كل سنة و انتم بخير و صحة و سلامة يا رب
احب اشكركم علي الموقع الاكثر من ممتاز و جميع المعلومات الموجودة بالموقع
و احب و يشرفني يا حسن افندي نكون اصدقاء دائمين باذن الله تعالي
اتمني التواصل معك في القريب العاجل ان شاء الله تعالي
و علي فكرة انا من اشد الناس حبا و ارتباطا بالسكة الحديد و لي اصدقاء كتير من قائدي القطارات و مساعديهم من خدما القاهرة
برجاء قبول الاضافة غلي الياهوو و نتكلم مع بعض شوية علي الماسنجر
معلومة انا بعرف اشتغل علي الكونترول في كل جرارات السكة الحديد في مصر و كان لي شرف اني اقود القطار علي الطوالي سواء من مصر للاسكندرية او الوجه القبلي حتي اسيوط و العكس لانك طبعا يا حسن افندي عارف ان سواق مصر اخره اسيوط
و الي لقاء قريب باذن الله تعالي
اترككم في رعاية الله و امنه
و السلام عليكم و رحمة الله

السلام عليكم

استاذ محمد كامل إن شاء الله تعالى قريبا هتلاقى موضوع كامل عن اجهزة التحكم الالى فى الجرارات فى منتدى اجهزة التحكم وإن شاء الله هتستفيد منه ونورت الموقع بتاعنا واحنا نتشرف بيك عضو معانا

السلام عليكم
العضو طائر الليل اهلا بيك عضو فى المنتدى وأهلا بيك صديق لى ولجميع الاعضاء وانا يشرفنى التعرف عليك وإننا نكون أصدقاء ان شاء الله وقريب بإذن الله هنتقابل وانا باقوم بقطارات كتير لعين شمس ممكن نتقابل هناك وبرحب بيك مرة تانيه عضو فى المنتدى وعوزينك تمتعنا بموضيع جميلة كده ان شاء الله

اخونا الكبير استاذ حسن كنت عايز اعرف سواق القطر بيعمل ايه اذا تعرض للموقف ده لو لا قدر الله السائق اثناء الرحلة شعر بتعب مفاجىء ومقدرش يسوق القطر وفطريقه مفيش محطات فيها سواقين احتياطى ؟؟؟
وهل ينفع فالموقف ده الوقاد يكمل بالقطر ولا القطر يتحجز فاول محطة ؟؟
وجزاكم الله كل خير

محمدكامل كتب:: اخونا الكبير استاذ حسن كنت عايز اعرف سواق القطر بيعمل ايه اذا تعرض للموقف ده لو لا قدر الله السائق اثناء الرحلة شعر بتعب مفاجىء ومقدرش يسوق القطر وفطريقه مفيش محطات فيها سواقين احتياطى ؟؟؟
وهل ينفع فالموقف ده الوقاد يكمل بالقطر ولا القطر يتحجز فاول محطة ؟؟
وجزاكم الله كل خير

فى الحالة دى المساعد بيوصل القطر لأول محطة مقرر الوقوف فيها وبيأشر بطلب غيار(سائق بديل) بعد التأشير بحالة السائق وده القانونى او الرسمى او التعليمات اما اللى احنا بنعمله كده مع نفسنا المساعد بيكمل الرحلة لمحطة الوصول.

شكرا ليك يا استاذ محمد وسعدت بسؤالك وبالرد عليه

استاذ حسن / بلاحظ ساعات وانا مسافر ان فيه بعض السواقين بيمروا من مناطق تهدية زى المنحنيات بسرعة عالية فهل لو القطر متاخر ممكن السواق ميهديش فالمناطق دى كنوع من توفير الوقت ؟؟
ولو اتعرف ان السواق مهداش فمنطقة تهدية هل دى ليها عواقب عليه ؟؟
وجزاكم الله كل خير

استاذ حسن / بلاحظ ساعات وانا مسافر ان فيه بعض السواقين بيمروا من مناطق تهدية زى المنحنيات بسرعة عالية فهل لو القطر متاخر ممكن السواق ميهديش فالمناطق دى كنوع من توفير الوقت ؟؟
ولو اتعرف ان السواق مهداش فمنطقة تهدية هل دى ليها عواقب عليه ؟؟
وجزاكم الله كل خير

موضوع: رد الثلاثاء 14 ديسمبر 2010, 4:50 pm

محمدكامل كتب:: استاذ حسن / بلاحظ ساعات وانا مسافر ان فيه بعض السواقين بيمروا من مناطق تهدية زى المنحنيات بسرعة عالية فهل لو القطر متاخر ممكن السواق ميهديش فالمناطق دى كنوع من توفير الوقت ؟؟
ولو اتعرف ان السواق مهداش فمنطقة تهدية هل دى ليها عواقب عليه ؟؟
وجزاكم الله كل خير

استاذ محمد // احب اعرفك ان التعليمات تعليمات والصح صح والرسمى رسمى حتى ولو القطر متأخر خمس ساعات لازم السواق يمشى حسب التعليمات والتهديات..

والمنحنيات ليها تعليمات معروفة للسواق ولو لاقدر الله حصل كارثة بسبب سرعة عالية على منحنى او تهدية رسمية السواق زى ما بيقولو هيشيل الليلة والمشاريب .

بس احنا علشان ربنا بيسترها معانا كل مرة بنستهبل وبنتجاهل التعليمات علشان نوصل القطر تقريبا فى المعاد ودا كله على حساب السواق لاكن الاصل ان مفيش حاجه اسمها اتجاهل التعليمات علشان اعوض التأخير بتاعى القطر يوصل وقت ما يوصل احسن ما تحصل كارثة ويبقى للقطر وصل ولا الركاب بتوعه لا قدر الله ولا رأيك انت ايه فى الكلام ده.

شكرا يا باشا على المتابعة وتحت امرك فى اى وقت

ما هى واجبات رئيس المنطيقة

استاذ حسن ايه رايك فى السواق اللى بيقف بالقطر مخصوص عشان ينزل واحد معرفة راكب معاه
و هل وقوف القطر غير المقرر بيبان فالبرج و فيه مسؤ ليه عالسواق فالحالة دى ولا عادى؟؟؟
وجزاك الله كل خير

استاذ حسن لو عندك اخبار عن الجرارات المارلبورو ياريت تفيدنا هل هترجع تشتغل تانى عالطوالى ولا هتفضل تدويرات بس وايه اسباب عدم تشغيلها عالطوالى لحد دلوقتى

وجزاك الله كل خير

christmasday53 كتب:: ما هى واجبات رئيس المنطيقة

العضو الفاضل christmasday53 اسف للتأخر عن الرد سريعا بسبب السفر حيث انى اعمل فى قسم قاطرات السويس وانا مقيم فى الاسماعيلية فأغيب عن محل اقامتى ثلاث او اربع ايام.

فبالنسبة لسؤالك هو يجيب عن نفسه فكل رئيس او مدير هو مسئول عن كل ما هو تحت قيادته او ادارته من ماليات وشئون عاملين ومركبات (وحدات متحركة) او الات وعدد ومهمات وخلافه هو مسئول عنها مسئولية تامه لفلا يخرج شيئ مما ذكرنا ولا يدخل الا بإذنه وموافقته وما يطلب منه فى حدود سلطته يتصرف فيه كما يشاء بما يوافق التعليمات الخاصة بالمصلحه وما فوق سلطته يرفعه لمن هو اعلى منه.

ارجو ان اكون اجبتك عن سؤالك ولو انى فهمت سؤالك بطريقه خاطئه ارجو تبينها لى والرد على.

شكرا لسؤالك وسعدت بالرد عليه

حسن افندى

محمدكامل كتب:: استاذ حسن ايه رايك فى السواق اللى بيقف بالقطر مخصوص عشان ينزل واحد معرفة راكب معاه
و هل وقوف القطر غير المقرر بيبان فالبرج و فيه مسؤ ليه عالسواق فالحالة دى ولا عادى؟؟؟
وجزاك الله كل خير

استاذ محمد احنا اتفقنا قبل كده ان التعليمات تعليمات وممنوع الوقوف بالقطر الا فى المقررات بتاعته بس واحد حبيبى زى الاستاذ محمد كامل ركب معايا الجرار وقالى نزلنى بين محطة كذا ومحطة كذا علشان بيتى فى المنطقة دى او بيت نسايبى اورايح عزاء او فرح او او او لو قلتله لا ممنوع الاستاذ محمد كامل هيزعل ولا لا.

عامه احنا مبنرضاش نزعل حبيبنا ولو اتعرف ان القطر وقف فى مكان ملهوش مقرر فيه السواق عنده 100 مبرر للوقوف.

لاكن الخلاصة ان الكلام ده ممنوع رسمى ولو فى مفتشين فى القطر ممكن يضرو السواق فى الحاله دى.

شكرا لسؤالك يا غالى وشكرا لمتبعتك المستمرة.

حسن افندى

استاذ حسن مشكور على ردك الرائع اللى يدل على مدى زوقك وانك راجل طيب ومحترم بس بصراحة لوانا راكب معك مش هرضى لك المشاكل لا قدر الله وهنزل فمحطة الوقوف المقررة
والاهم لانك علمتنا ان التعليمات هى التعليمات
وجزاك الله كل خير

استاذ حسن / حضرتك ذكرت فاحد الردود انك فشغلك بتغيب عن البيت فترات طيب السواقين اللى بيشتغلوا فاماكن بعيدة ليهم استراحات فالمحطات لزوم الاكل والنوم والمعيشة ؟؟

وليه حضرتك متطلبش تتنقل وتكون جنب البيت بحيث تكون مرتاح اكتر
جزاك الله كل خير وربنا يعينك ويقويك

محمدكامل كتب:: استاذ حسن / حضرتك ذكرت فاحد الردود انك فشغلك بتغيب عن البيت فترات طيب السواقين اللى بيشتغلوا فاماكن بعيدة ليهم استراحات فالمحطات لزوم الاكل والنوم والمعيشة ؟؟

وليه حضرتك متطلبش تتنقل وتكون جنب البيت بحيث تكون مرتاح اكتر
جزاك الله كل خير وربنا يعينك ويقويك

بالنسبة للاستراحات كل مركز قاطرات يعنى محطة بيقوم منها قطارات وترجع لها تانى كبداية رحلة ونهايتها او بمعنى كل محطة فيها ورشة وتموين وحوش ركاب وفرز بيبقى فيها استراحات للعاملين فيها سواء سواقين او حركه او هندسة .

وبالنسبة للنقل السويس تعتبر منطقة نائية النقل منها صعب شوية . يعنى عاوز واسطة كبيرة بالمعنى الاصح . ولان كل اللى فى السويس مغتربين زى حالاتى فلما مسئول ينقل واحد . باقية العمال هيعوزو يتنقلو هما كمان فالمسئولين الصغيرين مابيوافقوش على اى طلب نقل لان كده القسم كله هيعوز يتنقل. لاكن لما بتيجى من فوق زى ما بيقولو اللى هيتكلم ويقول عاوز اتنقل الرد بتاعهم يكون هتها من فوق واحنا نوافقلك على النقل.

وربنا يكرمنا وتجلنا من فوق خالص خالص من عند ربنا ان شاء الله علشان احنا ملناش واسطه الا هو .

سعيد جدا بأسئلتك الجميلة يا استاذ محمد وادعلنا كده ربنا يوفقنا ونتنقل قريب من بيونتا وربنا يقبل منك.

سلام يا غالى.

بسم الله الرحمن الرحيم السلام عليكم ورحمة الله وبركاتة انا سعيد جدا جدا بقبولى فى النتدى السكة الحديد واشكركم على قبولى معكم واحب اسال سوال هل ممكن اعادة الهيكلة من جديد يعنى قطاع المسافات الطويلة والمسافات القصيرة مع بعض وامتى افدكم اللة

موضوع: الهرجلة الثلاثاء 04 يناير 2011, 5:57 pm

ايمن كمال كتب:: بسم الله الرحمن الرحيم السلام عليكم ورحمة الله وبركاتة انا سعيد جدا جدا بقبولى فى النتدى السكة الحديد واشكركم على قبولى معكم واحب اسال سوال هل ممكن اعادة الهيكلة من جديد يعنى قطاع المسافات الطويلة والمسافات القصيرة مع بعض وامتى افدكم اللة

العضو الكريم ايمن كمال بنرحب بيك اولا فى منتدانا وبنتشرف بإنضمامك معنا وبنتمنالك الإستفادة من المنتدى.

بالنسبة للهيكلة انا شخصيا بسميها الهرجلة هو كان نظام التشغيل القديم اشتكى علشان يعملو الهرجلة دى.. وبالنسبة لسؤالك احنا بنسمع انها هيعاد كيهلتها من جديد وبنسمع انها هتتلغى وبنسمع كلام كتير منعرفش انهو الصح وانا عن نفسى اتمنى انها تتلغى وترجع على قديمو تانى افضل لانى انا شخصيا لا أعارف مين الرئيس بتاعى ولا المهندس المسئول عن قطاعى ولا اعرف فى الهيكلة دى حاجه الا انى فى القطاع الفلانى وبس . واتوزعنا على القطاعات ازاى وعلى اساس ايه واشمعنا انا رحت القطاع اللى انا فيه ده ومارحتش القطاع التانى متعرفش ....... يعنى خربطه من الاخر وربنا يسترها علينا.

سعيد بسؤالك وبعضويتك مرة تانيه وتحت امرك فى اى وقت ولو حد من الاعضاء عنده اجابة تانيه عن سؤالك يتفضل يعرفنا بيها.

فى حفظ الله.

حسن افندى